கோப்பா அமெரிக்கா காலிறுதியில் பிரேசில் நுழைந்தது

கோப்பா அமெரிக்கா கால்பந்து போட்டியில் நடப்பு சாம்பியனான பிரேசில் அணி 4-2 கோல் கணக்கில் ஈக்வடார் அணியை நேற்று வென்றது.

இந்த வெற்றி மூலம் பிரேசில் அணி கால் இறுதிக்கு முன்னேறியது. பிரேசில் அணி வெற்றிக்கு அலெக்சாண்டரே படோவும், நேமரும் உதவினார்கள். இரண்டு வீரர்களும் தங்கள் பங்கிற்கு தலா 2 கோல்கள் அடித்தனர்.
நேமர் முந்தைய ஆட்டங்களைக் காட்டிலும் இந்த ஆட்டத்தில் அற்புதமாக பந்தை கடத்தி கோல் அடித்தார். ஈக்வடார் அணி தனக்கு கிடைத்த வாய்ப்புகளை மிக அரிதாகவே தவறவிட்டது. ஈக்வடார் அணி அடித்த 2 கோல்களை ஜூலியோ சீசர் தடுத்து நிறுத்தியிருக்க முடியம். ஏனோ தவறவிட்டார்.
கோப்பா அமெரிக்கா இறுதிப்போட்டியில் பிரேசில், அர்ஜென்டினா அணிகள் மோதலாம் என்ற எதிர்பார்ப்பு ரசிகர்களிடம் உள்ளது. ஈக்வடார் அணிக்கு 2 கோல்களை பெலிப்பி காய்செடோ அடித்து சமநிலை ஏற்படுத்தினார். இருப்பினும் குரூப் ”பி” யில் முதலிடம் பிடிக்கும் துடிப்புடன் ஆடிய பிரேசில் அடுத்தடுத்து கோல்களை அடித்து மகத்தான வெற்றி பெற்றது.