தமன்னாவின் ரகசிய திட்டம்

தென்னிந்திய பட உலகில் முன்னணி நாயகர்களுடன் இலியானா, காஜல் அகர்வால், சார்மி, டாப்சீ ஆகிய நாயகிகள் நடிக்கின்றனர்.

அவர்கள் அனைவரும் பாலிவுட் நாயகர்களுடன் இணைய சென்றுவிடுவதை கவனித்த தமன்னாவும் இந்தி பட வாய்ப்புகளுக்காக ரகசிய திட்டத்தோடு காய் நகர்த்தி வருகிறார். மும்பையில் படித்து, வளர்ந்த தமன்னா ஆரம்பத்தில் இந்தி படத்தில் நடித்துள்ளார். அதற்கு பிறகு, கொலிவுட் வந்தார். அடுத்தடுத்து, வாய்ப்புகள் குவிய தென்னிந்திய மொழி படங்களில் நடிக்க ஆர்வம் காட்டினார். முன்னணி நாயகிகள் பட்டியலில் தமன்னா இடம் பிடித்தார். தற்போது, பாலிவுட் கனவில் மூழ்கி திளைக்கிறார். தெலுங்கு வெற்றி படத்தின் இந்தி ரீமேக் படத்தில் நாயகன் அஜய் தேவ்கன் உடன் தமன்னா இணைய போவதாக பட வட்டாரம் தெரிவிக்கிறது. தனது பால் வெள்ளை பளிச் அழகும், பளீர் சிரிப்பழகும் பாலிவுட்டின் முன்னணி நாயகர்களை ஈர்க்கும் என உறுதியாக தமன்னா நம்புகிறாராம்.